【姐匙Talk】大肚腩囂張態度斷米路 - 香港蘋果日報

digosipinmulu.blogspot.com

近半年因為疫情影響，各行各業都受到考驗，何況係娛樂圈呢？Jessie諗起一位表面好似好正直又默默耕耘嘅男藝人「大肚腩」嘅事。近年大肚腩冇咗護蔭下，搵食更加難，原因係佢N年前實在太囂張，搞到自己而家唔上唔落。

大肚腩雖然喺娛樂圈由低做起，打滾咗幾十年，到今時今日佢嘅演藝事業唔算好成功，但總算捱到二、三線嘅位置，出街都有唔少人叫得出個名。但大肚腩嘅真面目，真係估佢唔到。話說好多年前，有做生意嘅朋友話大肚腩私下好鍾意黐富二代，甘做跟班兼擦鞋友。有次大肚腩埋到一位富二代身邊，雖然富二代有錢，但係冇生財計劃，大肚腩就獻計，叫富二代搞活化商廈，仲拍心口話會幫手宣傳同拉客。

被抄牌攞錢掟人

富二代就相信大肚腩，仲交個場畀佢搞，諗住明星效應一定冇甩拖。當時大肚腩恃住有大水喉射住，行出嚟好似暴發戶咁。有次大肚腩貪方便泊咗架車喺酒樓門口，點知有警察嚟抄牌，大肚腩趕唔切截住阿sir，就即刻變臉仲好氣燄，攞住幾張一千蚊紙撻落阿sir度，話自己大把錢抄飽佢。

不過大肚腩吹水就叻，但講到做嘢就搞到一pat屎。嗰次活化計劃，大肚腩從中撈咗筆橫財，但冇耐俾富二代發覺唔多對路，後來呢個場真係畀大肚腩搞歪咗，仲令到富二代喺伯爺面前冇面好失威，富二代從此唔畀佢埋身。

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：

iOS / Android

Let's block ads! (Why?)