【娛樂人物】蔡小蝶推翻亞姐黑幕「我乜都冇就拎咗冠軍」 - 香港蘋果日報

digosipinmulu.blogspot.com

現年23歲的蔡小蝶今年人生起伏十分精采，8月退選港姐後，再轉戰亞洲小姐，並奪得本屆亞姐香港賽區冠軍。曾聽說選美有黑幕，需要金錢、背景支持，蔡小蝶仍毅然決定參選，獲幸運之神眷顧，令她一嘗冠軍滋味。

今屆亞姐香港賽區冠軍蔡小蝶日前在亞視總台接受《蘋果》專訪，她強調選亞姐沒有黑幕，她說：「一開始我覺得可能同其他台一樣，要有背景、要有錢，先可以拎到冠軍，但我乜都冇就拎咗冠軍，成件事好似發緊夢咁。」她否認因黑幕原因而退選港姐，反而「退選港姐蔡小蝶」稱號為她打響聲勢。

嫌港姐合約苛刻

曾任職模特兒七年、平均月入2至3萬元的蔡小蝶，疫情下工作大減決定選美。蔡小蝶在港姐第二輪面試，感覺合約苛刻而退賽，她說：「港姐份合約年期比較長，束縛比較多，我覺得唔係好啱嗰個階段。」退賽後即轉戰亞姐，她認為亞姐合約彈性高人性化，她說：「亞視喺選嘅過程中，會問我哋發展意向。」

決賽當晚，蔡小蝶表示「冇諗過自己係冠軍」，她說：「自己資質偏低，大家訓練得好好，我需要用好多時間去練習。」勝出是僥倖還是憑實力？蔡小蝶說：「當晚冇緊張，贏係幸運，喺台上做自己，表現出輕鬆狀態。」才藝環節，自彈自唱是蔡小蝶最滿意的演出，她笑說：「參加之前係唔識，比賽前只學咗兩星期，滿意當晚表現。」蔡小蝶希望藉選美踏入娛樂圈，拍電影、拍劇，由於她在深圳出世，大前提要練好廣東話。